കോട്ടയം / തിരുവനന്തപുരം:
കേരള സംസ്ഥാന ചലച്ചിത്ര അക്കാദമി സംഘടിപ്പിച്ച 18-ാമത് അന്താരാഷ്ട്ര ഡോക്യുമെന്ററി-ഹ്രസ്വചിത്ര മേളയിൽ (IDSFFK 2026), കെ.ആർ. നാരായണൻ നാഷണൽ ഇൻസ്റ്റിറ്റ്യൂട്ട് ഓഫ് വിഷ്വൽ സയൻസ് ആൻഡ് ആർട്‌സി (KRNNIVSA)ന് അഭിമാനകരമായ നേട്ടങ്ങൾ. ഇൻസ്റ്റിറ്റ്യൂട്ടിലെ പൂർവ്വ വിദ്യാർത്ഥികളും മുൻ അധ്യാപകരും വിവിധ വിഭാഗങ്ങളിലായി ശ്രദ്ധേയമായ പുരസ്‌കാരങ്ങൾ സ്വന്തമാക്കി.
പ്രശസ്ത ചലച്ചിത്രകാരനും KRNNIVSA-യിലെ മുൻ വിഭാഗം മേധാവിയും (സംവിധാനം & സൗണ്ട് ഡിസൈൻ) മുൻ അക്കാദമിക് കൗൺസിൽ ചെയർമാനുമായ കമൽ കെ.എം., 'ക്ലോസ് അപ്പ് അപ്പ് ക്ലോസ് – ദി മേക്കിംഗ് ഓഫ് പൊളിറ്റിക്കൽ ഉബു' (Close Up Up Close – The Making of Political UBU) എന്ന ഫീച്ചർ ഡോക്യുമെന്ററിക്ക് മികച്ച ലോംഗ് ഡോക്യുമെന്ററിക്കുള്ള പുരസ്‌കാരം നേടി.
ഇൻസ്റ്റിറ്റ്യൂട്ടിന്റെ മികവിന് മാറ്റുകൂട്ടിക്കൊണ്ട്, കമൽ കെ.എം. സംവിധാനം ചെയ്ത ഈ ഡോക്യുമെന്ററിയുടെ എഡിറ്റിംഗ് നിർവ്വഹിച്ചതിന്, ഇൻസ്റ്റിറ്റ്യൂട്ട് പൂർവ്വ വിദ്യാർത്ഥിയായ സജീഷ് സ്വാമിനാഥൻ മികച്ച ലോംഗ് ഡോക്യുമെന്ററി എഡിറ്റിംഗിനുള്ള അഭിമാനകരമായ 'കുമാർ ടാക്കീസ് അവാർഡ്' സ്വന്തമാക്കി.
ഹ്രസ്വകഥാ വിഭാഗത്തിൽ (Short Fiction), 'പാരഡൈസ് ഫോൾ' (Paradise Fall) എന്ന ഹ്രസ്വചിത്രത്തിന്റെ ഛായാഗ്രഹണ മികവിന് KRNNIVSA പൂർവ്വ വിദ്യാർത്ഥിയായ നസീം ആസാദിന് ജൂറിയുടെ പ്രത്യേക പരാമർശം (Special Jury Mention) ലഭിച്ചു.
കമൽ കെ.എം., സജീഷ് സ്വാമിനാഥൻ, നസീം ആസാദ് എന്നിവരുടെ ഈ മികച്ച നേട്ടങ്ങളിൽ KRNNIVSA-യിലെ ഭരണസമിതിയും ജീവനക്കാരും വിദ്യാർത്ഥികളും ഹൃദയം നിറഞ്ഞ അഭിനന്ദനങ്ങൾ അറിയിക്കുന്നു.
.jpeg)
.jpg)
.jpeg)
.jpeg)
.jpg)
.jpeg)
.jpeg)
---1K-JPEG.jpg)
.jpeg)
.webp)
.webp)
.jpeg)
