പ്രൊഫഷണൽ ഫിലിം/ഓഡിയോ വിഷ്വൽ പരിശീലനത്തിലെ ഒരു നൂതന സംരംഭമായ കെ ആർ നാരായണൻ നാഷണൽ ഇൻസ്റ്റിറ്റ്യൂട്ട് ഓഫ് വിഷ്വൽ സയൻസ് & ആർട്സ്, കോട്ടയം ജില്ലയിലെ തെക്കുംതലയിൽ കേരള സർക്കാർ സ്ഥാപിച്ച അന്താരാഷ്ട്ര നിലവാരത്തിലുള്ള ഗവേഷണ കേന്ദ്രവുമാണ്. ദൃശ്യമാധ്യമ മേഖലയിലെ വേഗത്തിലുള്ള പുരോഗതികൾ അതിന്റെ വിപുലമായ സാധ്യതകളോടൊപ്പം സൃഷ്ടിപരമായ ലോകത്ത് വിശാലമായ അവസരങ്ങൾ തുറന്നിട്ടുണ്ട്. ഈ മാധ്യമത്തിൻ്റെ പരിധി മനുഷ്യജീവിതത്തിൻ്റെ വിവിധ മുഖങ്ങളിലേക്ക് അനുദിനം വ്യാപിച്ചുകൊണ്ടിരിക്കുകയാണ്. പക്ഷേ, ഈ മേഖലയിൽ ഇന്ത്യ ഇതുവരെ മുൻനിരയിലെത്തിയിട്ടില്ല, പ്രധാനമായും വൈദഗ്ധ്യത്തിൻ്റെ അഭാവവും ചലച്ചിത്രനിർമ്മാണത്തിൻ്റെയും ഡിജിറ്റൽ കലകളുടെയും സാങ്കേതിക വശങ്ങളിലെ ഏറ്റവും പുതിയ സംഭവവികാസങ്ങളകുറിചുള്ള  നേരിട്ടുള്ള പരിചയസമ്പത്തിന്റെയും കുറവാണ് ഇതിന് പ്രധാന കാരണം. നിലവാരമേറിയ പരിശീലനം നൽകുകയും കഴിവുള്ളവരെയും യോഗ്യതയുള്ളവരെയും മെച്ചപ്പെടുത്തുകയും ചെയ്യുന്നത് ഈ പ്രശ്‌നത്തിന് പരിഹാരമായി വരാം. കലയിലും സാംസ്കാരിക മേഖലയിലും സമ്പന്നവും ആഴത്തിലുള്ള പാരമ്പര്യങ്ങളുള്ള രാജ്യമാണ് ഇന്ത്യ..  ആഗോള ആശയങ്ങളുമായുള്ള സമ്പർക്കവും ലോകമെമ്പാടുമുള്ള സാങ്കേതിക മുന്നേറ്റങ്ങളെക്കുറിച്ചുള്ള ആഴത്തിലുള്ള അറിവും ഉപയോഗിച്ച്, അന്താരാഷ്ട്ര നിലവാരത്തിന് തുല്യമായ മികച്ച പരിശീലന രീതികൾ വികസിപ്പിക്കേണ്ടതുണ്ട്. ഈ സാഹചര്യത്തിലാണ് അന്തരിച്ച ഇന്ത്യയുടെ മുൻ രാഷ്ട്രപതി ശ്രീ കെ.ആർ. നാരായണൻ്റെ  പേരിൽ ഒരു നാഷണൽ ഇൻസ്റ്റിറ്റ്യൂട്ട് ഓഫ് വിഷ്വൽ സയൻസ് & ആർട്‌സ് സ്ഥാപിക്കുക എന്ന ആശയം കേരള സർക്കാർ വിഭാവനം ചെയ്തത്.